देशातील खासगी क्षेत्रातील येस बँकेने (Yes Bank) ग्राहकांना आकर्षित करण्यासाठी आणि जास्तीत जास्त गुंतवणूक वाढवण्यासाठी एफडीवरील (FD Rates) व्याजदरात बदल केला आहे. बँकेने साधारण 7 दिवसापासून ते 10 वर्षापर्यंतच्या एफडीवर ग्राहकांना उच्च व्याजदर दिला आहे. सर्वसामान्य नागरिकांना 3.25 % ते 7 % पर्यंत व्याजदर देण्यात येत आहे. तर ज्येष्ठ नागरिकांना बँकेकडून 3.75 % ते 7.75 % पर्यंत व्याजदर दिला जात आहे.
2 कोटींपेक्षा कमी रकमेच्या ठेवीवर ग्राहकांना नवे व्याजदर लागू केले जाणार आहेत. बँकेने वेबसाईटवर दिलेल्या माहितीनुसार नवीन व्याजदर हा 2 मे 2023 पासून लागू झाला आहे. येस बँक कोणत्या कालावधीसाठी किती व्याजदर देत आहे, जाणून घेऊया.
7 दिवस ते 180 दिवसांमधील गुंतवणुकीवर मिळणार इतका व्याजदर
येस बँक ग्राहकांना 7 दिवस ते 14 दिवसांच्या एफडीवर 2.25 % व्याजदर देणार आहेत. तर 15 दिवस ते 45 दिवसांच्या एफडीवर ग्राहकांना 3.70 % व्याज मिळणार आहे. तसेच 46 दिवस ते 90 दिवसांच्या एफडीवर ग्राहकांना 4.10 % व्याज आणि 91 दिवस ते 180 दिवसांच्या एफडीवर 4.75 % व्याजदर देण्यात येत आहे.
181 दिवस ते 36 महिन्यांसाठी मिळेल इतका व्याजदर
बँक 181 दिवस ते 271 दिवसांच्या एफडीवर ग्राहकांना 6 % व्याजदर दिला जात आहे. तर 271 दिवस ते 1 वर्षाच्या एफडीवरील गुंतवणुकीवर ग्राहकांना 6.25% व्याजदर देण्यात येत आहे. याशिवाय 1 वर्ष ते 18 महिन्यांच्या एफडीवरील गुंतवणुकीवर 7.50 % व्याज आणि 18 महिने ते 36 महिन्यांच्या एफडीवर 7.75% व्याजदर दिला जाणार आहे. 36 महिने ते 120 महिन्यांच्या कालावधीसाठी ग्राहकांना 7 % व्याजदर दिला जाणार आहे.
ज्येष्ठ नागरिकांना मिळणार 0. 50 % जास्त व्याजदर
येस बँकेने 2 मे 2023 पासून नवे व्याजदर लागू केले आहेत. सर्वसामान्य नागरिकांना मिळणारा व्याजदर वर नमूद करण्यात आला आहे. तर ज्येष्ठ नागरिकांना वरील कालावधीतील (7 दिवस ते 3 वर्षापेक्षा कमी) एफडीवरील गुंतवणुकीसाठी बँक 0. 50 % जास्त व्याजदर देणार आहे.
Source: hindi.moneycontrol.com
