रिझर्व्ह बँक ऑफ इंडिया (RBI – Reserve Bank of India) ने 1 डिसेंबर रोजी रिटेल डिजिटल रुपी पायलट प्रोग्राम सुरू केला आहे. या कार्यक्रमात सहभागी असलेल्या ८ बँकांमध्ये येस बँक देखील आहे. डिजिटल रुपया (e₹) कायदेशीर निविदा आहे आणि कागदी चलनाप्रमाणेच आहे. हे आरबीआयने डिजिटल स्वरूपात जारी केले आहे.
Table of contents [Show]
- काय आहे डिजिटल रुपी? What is digital Rupee?
- येस बँक वॉलेटसोबत करा डिजिटल रुपयाचे व्यवहार (Make digital rupee transactions with Yes Bank wallets)
- येस बँक डिजिटल रुपी कसा वापरावा (How to use Yes Bank Digital Rupee)
- डिजिटल चलनाची प्रमुख वैशिष्ट्ये (Key features of digital currency)
- RBI डिजिटल करन्सी अधिकृत
काय आहे डिजिटल रुपी? What is digital Rupee?
रिझर्व्ह बँक ऑफ इंडियाचा असा विश्वास आहे की रिटेल डिजिटल रुपया पेमेंटसाठी सुरक्षित निधी उपलब्ध करून देतो. सोप्या भाषेत सांगायचे तर, रिटेल सीबीडीसी (retail CBDC) हा मुख्यत: किरकोळ व्यवहारांसाठी रोख रकमेचा एक इलेक्ट्रॉनिक प्रकार आहे. सीबीडीसी ज्याला रिटेल डिजिटल रुपी किंवा ई-रुपी म्हणून देखील ओळखले जाते ते सध्या चालू असलेल्या चलनाच्या समतुल्य आहे.
येस बँक वॉलेटसोबत करा डिजिटल रुपयाचे व्यवहार (Make digital rupee transactions with Yes Bank wallets)
येस बँकेने 2 डिसेंबर 2022 रोजी दिलेल्या निवेदनात म्हटले आहे की, बँकेने शुक्रवारी आपल्या यूजर ग्रुपसाठी (सीयूजी) आरबीआयची सेंट्रल बँक डिजिटल करन्सी (सीबीडीसी) आणली आहे. सीयूजीचे सदस्य असलेल्या येस बँकेच्या निवडक रिटेल ग्राहकांना डिजिटल रुपी अॅप मिळणार आहे. येस बँकेच्या सोप्या आणि सुरक्षित डिजिटल वॉलेटचा वापर करून ग्राहक डिजिटल रुपयांमध्ये व्यवहार करू शकतात.
येस बँक डिजिटल रुपी कसा वापरावा (How to use Yes Bank Digital Rupee)
येस बँकेचे डिजिटल रुपी वॉलेट एखाद्या फिजिकल वॉलेटप्रमाणे काम करेल. अँड्रॉइड ऑपरेटिंग सिस्टिमवर चालणाऱ्या स्मार्टफोनवर हे वॉलेट डाऊनलोड करण्यासाठी उपलब्ध आहे.
डिजिटल चलनाची प्रमुख वैशिष्ट्ये (Key features of digital currency)
डिजिटल चलन रोखीच्या समान वैशिष्ट्यांसह आणि मूल्यांसह जारी केले जाते.
या कायदेशीर निविदेला आरबीआयने थेट पाठिंबा दर्शविला आहे.
हे टोकन आधारित आहे. म्हणून त्वरित तोडगा नि जलद गतीने व्यवहार.
RBI डिजिटल करन्सी अधिकृत
आरबीआयने जारी केलेल्या डिजिटल करन्सीला आर्थिक व्यवहारांसाठी चलन म्हणून कायदेशीर मान्यता आहे. पंतप्रधान नरेंद्र मोदी यांनी 8 नोव्हेंबर 2016 रोजी नोटबंदी जाहीर करताना “आज मध्यरात्री यानी 12 बजेसे 500 रुपये और 1000 रुपये के करन्सी नोट लिगल टेंडर नही रहेंगे” अशी घोषणा केली होती. थोडक्यात भारत सरकारचं आणि रिझर्व्ह बँकेची हमी असल्याने हे चलन स्वीकारायला कुणी नकार देऊ शकत नाही. CBDC ची प्रायोगिक तत्त्वावर चाचपणी सुरू आहे. या पथदर्शी सर्वेक्षणात सहभागासाठी रिझर्व्ह बँकेने 9 बँकांना निवडले आहे. ज्यामध्ये स्टेट बँक, बँक ऑफ बडौदा, युनियन बँक, एचडीएफसी बँक, आयसीआयसीआय बँक, कोटक महिंद्रा बँक, येस बँक, आयडीएफसी फर्स्ट बँक, आणि एचएसबीसी अशा प्रमुख सरकारी आणि खासगी तसेच विदेशी बँकांचा समावेश आहे.
