जीवन विमा पॉलिसी लॅप्स झाली तर काय करायचे?

जोपर्यंत विमाधारक सतत  प्रीमियम भरणे सुरू ठेवतो तोपर्यंत विमा पॉलिसी सुरू असते. पॉलिसी होल्डरने कोणत्याही कारणास्तव पेमेंट / प्रीमिअम चुकवल्यास ती पॉलिसि रद्द होते. याबाबत पॉलिसी कंपनी वेळोवेळी पॉलिसी धारकाला प्रीमिअम भरण्याबाबत आणि पॉलिसी रिनिव्ह्यू करण्याबाबत वेळोवेळी कळवत असते. पण एका ठराविक कालावधीनंतर कंपनी ती पॉलिसी लॅप्स करते. पॉलिसी लॅप्स झाली की, पॉलिसी धारकाला काही परतावा मिळतो का? किंवा ती पॉलिसी रेग्युलर करता येऊ शकतो का? असे अनेक प्रश्न तुम्हाला पडले असतील. म्हणून कोणतीही विमा पॉलिसी घेतांना त्याबाबत अटी व शर्ती जाणून घेणे महत्वाचे ठरते. विमा पॉलिसी लॅप्स झाल्यावर करता येऊ शकते, याबाबत अधिक माहिती जाणून घ्या. 

ग्रेस कम्स बिफोर लॅप्स

विमा कंपन्यांना हे माहित असते  की, विमाधारक प्रत्येक वेळी देय तारखेपूर्वी प्रीमियम भरू शकत नाही. जवळजवळ प्रत्येक विमा पॉलिसी अतिरिक्त कालावधी देते. म्हणून हे लक्षात घेणे महत्त्वाचे आहे की पॉलिसी सवलतीच्या कालावधीत अजूनही लागू आहे की नाही, आणि विमाधारकाला काही झाले तर, नॉमिनी अद्यापही लाभांसाठी पात्र असेल.

लॅप्स पॉलिसी

वाढीव कालावधीतही विमाधारकाने प्रीमियमची रक्कम न भरल्यास, जीवन विमा पॉलिसी रद्द होते.  विमाधारक यापुढे पॉलिसीचे कव्हरेज घेऊ शकत  नाही आणि कोणत्याही मृत्यू लाभासाठीही पात्र असणार नाही. पण यावर पुढीलप्रमाणे उपाय फायदेशीर ठरू शकतात. 

लॅप्स पॉलिसीचे Revival / Rehabilitation

बहुतेक विमा पॉलिसी  Revival फॅसिलिटी देतात. त्यातून तीच पॉलिसी नव्याने सुरू केली जाऊ शकते. जीवन विमा योजना पुनर्स्थापित करण्यासाठी एक प्रक्रिया अवलंबावी लागते. सर्प्रवथम, पॉलिसी होल्डरला पॉलिसीचा पुरावा सादर करावा लागतो. तसेच पॉलिसी होल्डरला सर्व रखडलेले प्रीमियम भरावे लागतात. हे भरताना त्यावर कंपनीच्या पॉलिसीनुसार लेट फी सुद्धा भरावी लागते. यालाच Revival फी म्हटले जाते. त्याचबरोबर पॉलिसी होल्डरला पुन्हा एकदा मेडिकल तपासणी करावी लागते. या अटींची पूर्तता केल्यानंतर, पॉलिसी तिच्या सर्व मूळ फायद्यांसह  पुन्हा सुरू होते.

Revival केलेल्या पॉलिसीचे धोरण 

पॉलिसीच्या योजनांचे प्रीमियम हे वयानुसार वाढत असतात. उदाहरणार्थ, सूरजने वयाच्या 25 व्या वर्षी मुदत विमा योजना खरेदी केली. आणि दोन वर्षांसाठी 6,000 रुपयांचा वार्षिक प्रीमियम भरला. यादरम्यान पॉलिसी लॅप्स होऊ दिली, तर त्याने प्रीमियम म्हणून 12,000 रुपये भरले असते. आता त्याला शेवटच्या प्रीमियमच्या दोन वर्षानंतर त्याच्या पॉलिसीचे नूतनीकरण करायचे आहे. विमाकर्ता त्याच्याकडून नूतनीकरण शुल्क, विलंब शुल्क आणि मागील दोन वर्षांच्या देय प्रीमियमसाठी व्याज शुल्क आकारेल. या सर्वांची एकूण रक्कम 18,000 रुपयांपर्यंत होईल. जर सूरज (आता 29 वर्षांचा आहे) दुसर्‍या विमा कंपनीकडून नवीन विमा पॉलिसी शोधत असेल तर त्याची वार्षिक किंमत 8,000 रुपये असू शकते. यामध्ये, त्याला जुन्या पॉलिसीसाठी आधीच भरलेल्या प्रीमियमचे नुकसान सहन करावे लागेल. शिवाय, जुन्या पॉलिसीमध्ये तो जे भरेल त्यापेक्षा त्याला दरवर्षी 2,000 रुपये अधिक द्यावे लागतील. जुनी पॉलिसी नव्याने सुरू  केल्यास, प्रीमियम सहसा अपरिवर्तित राहतो आणि दीर्घकालीन फरक करू शकतो. सरतेशेवटी, नवीन पॉलिसी पुनर्जीवित करण्याचा किंवा खरेदी करण्याचा निर्णय केस-टू-केस आधारावर बदलतो.