कॅलेंडर वर्ष 2022 च्या ऑक्टोबर-डिसेंबर तिमाहीत देशातील शहरी भागात 15 वर्षे आणि त्याहून अधिक वयाच्या लोकांचा बेरोजगारीचा दर 7.2 टक्क्यांवर घसरला आहे. 2021 च्या याच कालावधीत हा दर 8.7 टक्के होता. या कालावधीत, कोविड-संबंधित निर्बंधांच्या प्रभावामुळे देशातील बेरोजगारीचा दर जास्त होता. नॅशनल सॅम्पल सर्व्हे ऑफिस (NSSO) च्या ताज्या आकडेवारीनुसार, जुलै-सप्टेंबर 2022 मध्ये 15 वर्षे आणि त्यावरील लोकांसाठी बेरोजगारीचा दर 7.2 टक्के, एप्रिल-जून 2022 मध्ये 7.6 टक्के आणि 8.2 टक्के होता.
या आकडेवारीनुसार, शहरी भागातील पुरुषांसाठी (15 वर्षे आणि त्यावरील) बेरोजगारीचा दर 2022 च्या ऑक्टोबर-डिसेंबर तिमाहीत 6.5 टक्क्यांपर्यंत घसरला आहे, जो एका वर्षापूर्वी याच तिमाहीत 8.3 टक्के होता. त्याच वेळी, त्याच वयोगटातील शहरी महिलांचा बेरोजगारीचा दर 10.5 टक्क्यांवरून 9.6 टक्क्यांवर आला आहे. कामगार शक्तीचा सहभाग 48.2 टक्क्यांपर्यंत वाढला आहे. NSSO च्या मते, 2022 च्या ऑक्टोबर-डिसेंबर तिमाहीत 15 वर्षे आणि त्याहून अधिक वयोगटातील लोकांसाठी शहरी भागात श्रमशक्तीचा सहभाग दर 48.2 टक्क्यांवर पोहोचला आहे. 2021 च्या याच कालावधीत हा सहभाग 47.3 टक्के होता. जुलै-सप्टेंबर 2022 मध्ये ते 47.9 टक्के आणि एप्रिल-जून 2022 मध्ये 47.5 टक्के होता.
नोव्हेंबरमधील अहवालात बेरोजगारीत वाढ
नोव्हेंबरमधील अहवालात बेरोजगारीत वाढ झाली होती. बेरोजगारी हा भारतीय अर्थव्यवस्थेसमोर नेहमीच एक गंभीर प्रश्न राहिलेला आहे. सेंटर फॉर मॉनिटरिंग इंडियन इकॉनॉमीची म्हणजेच सीएमआयईची बेरोजगरीविषयीची नोव्हेंबरमधील आकडेवारीप्रमाणे बेरोजगारीत वाढ झाली आहे. या अहवालानुसार नोव्हेंबरमध्ये बेरोजगारी दर 8 टक्के इतका नोंदवण्यात आला आहे.बेरोजगारी ही देशातील महत्वाच्या आर्थिक समस्येपैकी एक समस्या आहे. कोरोना कालावधीमध्ये बेरोजगारीत मोठ्या प्रमाणात वाढ झाली होती. ज्यामुळे हा प्रश्न अधिक तीव्र झालेला बघायला मिळाला.
या आकडेवारीप्रमाणे नोव्हेंबरमधील बेरोजगारी दराने 3 महिन्यातील उच्चांक गाठल्याचे स्पष्ट झाले होते. ऑक्टोबर महिन्यात हा बेरोजगारी दर 7.7 टक्के इतका होता. नोव्हेंबरमध्ये महाराष्ट्रातील बेरोजगारी दर 3.5 टक्के इतका नोंदवण्यात आला होता. देशाच्या तुलनेत महाराष्ट्राची कामगिरी चांगली असल्याचे सीएमआयईच्या आकडेवारीतून स्पष्ट झाले. याधीच्या 2 महिन्यात तो चार टक्के इतका व त्यापुढे होता. शहरी भागाच्या तुलनेत ग्रामीण भागात हा दर आणखी कमी असल्याची नोंद आहे. शहरी भागात तो 4.8 टक्के तर ग्रामीण भागात 2.8 टक्के इतका नोंदवण्यात आला.
सेंटर फॉर मॉनिटिरग इंडियन इकॉनॉमीच्या आकडेवारीनुसार शहरी भागात बेरोजगारी अधिक आहे. ऑक्टोबरमध्ये शहरी भागात बेरोजगारीचा दर 8.04 टक्के तर ग्रामीण भागात हा दर 7.21 टक्के इतका होता. नोव्हेंबरमध्ये यात वाढ झाली आहे. नोव्हेंबरमध्ये शहरी भागात हा दर 8.96 टक्के तर ग्रामीण भागात 7.55 टक्के इतका असल्याचे नोंदवण्यात आले होते.
