• 05 Feb, 2023 14:00

Aren't we all searching for something?

Not sure what to search? Here are some topics that we can suggest you:

Indian Railways: कमाईच्या बाबतीत सुसाट, 9 महिन्यातच मोडला मागील वर्षाचा रेकॉर्ड

Indian Railway

कोरोना महामारीच्या काळात ठप्प झालेल्या Indian Railways ने कमाईच्या बाबतीत पुन्हा वेग पकडला आहे. रेल्वेला कोणत्या मार्गातून किती उत्पन्न मिळाले ते जाणून घेणे इंटरेस्टिंग ठरणार आहे.

रेल्वे मंत्री अश्विनी वैष्णव यांनी सोशल मीडियावर ट्विट केले की, रेल्वे मंत्रालयाची आतापर्यंतची कमाई मागील आर्थिक वर्षाच्या तुलनेत 42 हजार 370 कोटी रुपये जास्त आहे. चालू आर्थिक वर्ष 2022-23 पूर्ण होण्याच्या 71 दिवस आधी रेल्वेने  हे यश मिळवले आहे.भारतीय रेल्वेच्या कमाईत बंपर वाढ झाली आहे. कोरोना महामारीच्या काळात ठप्प झालेल्या रेल्वेने कमाईच्या बाबतीत पुन्हा वेग पकडला आहे. प्रवासी ते मालवाहतुकीपर्यंत रेल्वेच्या उत्पन्नात वाढ झाली आहे. रेल्वेने या आर्थिक वर्षाच्या अवघ्या 9 महिन्यांत 2021-22 च्या एकूण कमाईचा टप्पा ओलांडला आहे. तेही हे आर्थिक वर्ष संपायला अजून तीन महिने बाकी असताना! ही आकडेवारी केंद्रीय अर्थसंकल्पाच्या दोन आठवड्यांपूर्वी आली आहे, जेव्हा रेल्वेने अर्थसंकल्पात तरतूद वाढवण्याची मागणी केली होती.

या आर्थिक वर्षात रेल्वेने आतापर्यंत 1.91 लाख कोटी रुपयांची कमाई केल्याचे रेल्वे मंत्रालयाचे म्हणणे आहे. रेल्वे मंत्री अश्विनी वैष्णव यांनी ट्विट केले की, रेल्वे मंत्रालयाची आतापर्यंतची कमाई मागील आर्थिक वर्षाच्या तुलनेत 42 हजार 370 कोटी रुपये जास्त आहे. चालू आर्थिक वर्ष 2022-23 पूर्ण होण्याच्या 71 दिवस आधी रेल्वेचे हे यश प्राप्त झाले आहे.

मालवाहतुकीतून झाली मोठी कमाई 

मात्र, भारतीय रेल्वेला कोणत्या मार्गातून  किती कमाई झाली, याची नेमकी आकडेवारी अद्याप समोर आलेली नाही. मात्र मालवाहतुकीतून 1.3 लाख कोटी रुपयांची कमाई झाल्याचा अंदाज आहे. त्याच वेळी, प्रवासी भाड्यातून सुमारे 55 हजार  कोटी रुपयांची कमाई झाली आहे. उर्वरित कमाई कोचिंग, पार्सल सेवा आणि इतर मार्गातून  आली. रेल्वे मंत्रालयाने 19 जानेवारीपर्यंत 11,850 लाख टन कच्चा माल आणि मालाची वाहतूक केली आहे, जी मागील आर्थिक वर्षाच्या तुलनेत आठ टक्के अधिक आहे. तथापि, वाढलेले अंतर आणि नव्याने बनवलेल्या उच्च-क्षमतेच्या विशेष वॅगन्समुळे मालवाहतुकीमध्ये किरकोळ वाढ झाली असली तरीही, गेल्या वर्षीच्या याच कालावधीत सरकारला महसुलात 17 टक्के वाढ झाली आहे.

रेल्वेने प्रवास केलेल्या अंतराची गणना करण्यासाठी वापरल्या जाणार्‍या निव्वळ टन किलोमीटर (NTKM) मध्ये गेल्या 12 महिन्यांत 12 टक्क्यांनी वाढ झाल्याचे अधिकृत रेल्वे डेटा दर्शवते. त्यानुसार प्रति मेट्रिक टन महसूलही 101 कोटी रुपयांनी वाढून 108 कोटी रुपयांवर पोहोचला आहे. रेल्वेच्या मालवाहतूक टोपलीत कोळसा हा एक महत्त्वाचा घटक आहे. रेल्वेने मालवाहतुकीत वैविध्य आणण्यासाठी प्रयत्न केले, तरीही ही परिस्थिती कायम आहे. अलीकडील डेटा दर्शवितो की कोळशाचे लोडिंग मागील वर्षीच्या याच कालावधीच्या तुलनेत 620 लाख टनांनी जास्त आहे, तर एकूण मालवाहतूक 800 लाख टनांनी वाढली आहे. लोहखनिज आणि पोलाद या दोन्हींच्या लोडिंगमध्ये मागील वर्षाच्या तुलनेत घट झाली आहे, तर इतर वस्तूंच्या लोडिंगमध्ये किरकोळ वाढ झाली आहे.