Penalty on flipkart: ई-कॉमर्स (E-commerce) क्षेत्रातील दिग्गज कंपनी फ्लिपकार्टला (Flipkart) ग्राहकाचा फोन न दिल्याने मोठा दंड ठोठावण्यात आला आहे. फ्लिपकार्टला आता ग्राहकांना स्मार्टफोनच्या तिप्पट किंमत मोजावी लागणार आहे. बेंगळुरू शहरी जिल्हा ग्राहक विवाद निवारण आयोगाने (Bangalore Urban District Consumer Disputes Redressal Commissions) हा आदेश दिला आहे. आयोगाने आपल्या आदेशात म्हटले आहे की, ई-कॉमर्स कंपनीला मोबाइल फोनसाठी 12 टक्के वार्षिक व्याजासह 12,499 रुपये द्यावे लागतील. तसेच, 20,000 रुपये दंड आणि 10,000 रुपये कायदेशीररित्या भरावे लागतील. याचा अर्थ फ्लिपकार्टला एकूण 42,000 रुपयांपेक्षा जास्त पैसे द्यावे लागतील. त्यात व्याजाची रक्कम अजून जोडलेली नाही.
पैसे भरूनही फोन पोहोचला नाही….. (The phone did not reach even after paying the money)
बेंगळुरूच्या राजाजीनगर येथील रहिवासी दिव्यश्री जे (Divyashree J)यांनी याप्रकरणी फ्लिपकार्टविरोधात तक्रार दाखल केली होती. त्यांनी सांगितले की 15 जानेवारी 2022 रोजी ई-कॉमर्स प्लॅटफॉर्मवरून 12,499 रुपयांचे मोबाईल फोन बुकिंग केले गेले होते आणि दुसऱ्या दिवशी ते वितरित करणे अपेक्षित होते. ग्राहकाचा दावा आहे की कंपनीला पूर्ण पेमेंट केले गेले आहे, परंतु फोन फ्लिपकार्टने वितरित केला नाही.
अनेकवेळा कस्टमर केअरशी संपर्कही केला तरीही काही….. (Even after contacting customer care several times, some…..)
या संपूर्ण प्रकरणाबाबत ग्राहकाने ग्राहक न्यायालयात धाव घेतली, त्यानंतर न्यायालयाने (Court) त्याची दखल घेतली. न्यायालयाने यासंदर्भात कंपनीला नोटीसही पाठवली होती, मात्र फ्लिपकार्टने आपला प्रतिनिधीही पाठवला नाही. त्यावर सुनावणी घेतल्यानंतर न्यायालयाने ई-कॉमर्स कंपनीला दंड ठोठावला. बेंगळुरूच्या ग्राहक न्यायालयाने म्हटले आहे की, फ्लिपकार्टने केवळ सेवेच्या बाबतीत 'पूर्ण निष्काळजीपणा' दाखवला इतकेच नाही तर अनैतिक पद्धतींचेही पालन केले आहे. या आदेशात पुढे म्हटले आहे की, ग्राहकाला वेळेत फोन न दिल्याने त्याचे आर्थिक नुकसान आणि 'मानसिक आघात' झाला आहे. ग्राहकाने मोबाइल न देताच हप्ते भरल्याचे आदेशात म्हटले असून, त्याने अनेकवेळा कस्टमर केअरशी (Customer care) संपर्कही केला होता.
