Indian Taking Holidays Loan: प्रत्येकालाच सुट्टी साजरी करणे आणि सहलीला जाणे आवडते, परंतु ते विनामूल्य करता येत नाही. बरेच लोक सुट्टीचे आणि प्रवासाचे नियोजन आधीच तयार करतात आणि त्यासाठी निधीही तयार करतात. त्याच वेळी, असे बरेच लोक आहेत जे प्रवास आणि सुट्टीसाठी कर्ज घेण्याचा मार्ग निवडतात. नुकत्याच झालेल्या एका सर्वेक्षणात फिरायला जाण्यास लोन घेणाऱ्यांची धक्कादायक आकडेवारी समोर आली आहे.
प्रत्येक पाचवे कर्ज प्रवासासाठी
ऑनलाइन पर्सनल फायनान्स प्लॅटफॉर्म पैसा बाजारने या संदर्भात नुकतेच एक सर्वेक्षण केले. त्यात असे सांगण्यात आले की, भारतात दर पाचपैकी एक व्यक्ती वैयक्तिक कर्ज घेऊन प्रवासाचे बिल भरत आहे. सर्वेक्षणानुसार, जानेवारी ते जून 2023 दरम्यान मंजूर झालेल्या सर्व वैयक्तिक कर्जांपैकी प्रत्येक पाचवे कर्ज प्रवासासाठी घेतले गेले आहे.
16 टक्के कर्ज प्रवासखर्च भागवण्यासाठी
सर्वेक्षणात असे दिसून आले की, उन्हाळ्याच्या आगमनाबरोबरच प्रवासी कर्ज घेण्यास वेग वाढला. तर पहिल्या तिमाहीत म्हणजे जानेवारी ते मार्च 2023 या कालावधीत 16 टक्के वैयक्तिक कर्जे प्रवासखर्च भागवण्यासाठी घेण्यात आली, तर पुढील तिमाहीत म्हणजेच एप्रिल ते जून 2023 मध्ये त्यांचा वाटा 24 टक्क्यांपर्यंत वाढला. यावरून हे देखील दिसून येते की ऋतू बदलल्यानंतर, अधिक लोक सुट्ट्या साजरे करण्याच्या योजनेचे अनुसरण करू लागले आहे.
आकडेवारीनुसार कर्ज घेणारे
मात्र, पर्सनल लोन घेणाऱ्यांपैकी बहुतेकांनी प्रवासाव्यतिरिक्त इतर गोष्टींवर खर्च केला. सर्वेक्षणानुसार, जास्तीत जास्त 31 टक्के लोकांनी घर दुरुस्तीसाठी वैयक्तिक कर्ज घेतले आहे. त्यानंतर दुसरा नंबर फिरण्यासाठी कर्ज घेणाऱ्यांचा राहिला. तिसऱ्या क्रमांकावर असे लोक होते, ज्यांनी जुने कर्ज फेडण्यासाठी वैयक्तिक कर्ज घेतले होते, अशा लोकांचा वाटा सुमारे 10 टक्के होता.
सर्वेक्षणानुसार, उपचार आणि औषधांच्या खर्चामुळे सुमारे 9 टक्के लोकांनी वैयक्तिक कर्ज घेतले. दुसरीकडे, उर्वरित 29 टक्के लोकांमध्ये अशा लोकांचा समावेश होता, ज्यांनी लग्न, शिक्षण आणि व्यवसायासाठी वैयक्तिक कर्ज घेतले होते. वैयक्तिक कर्जांमध्ये, कर्जदारांची सर्वाधिक संख्या गृहकर्ज आणि मालमत्तेवरील कर्जे होती. त्यांच्यानंतर कार लोन आणि एज्युकेशन लोन घेणाऱ्यांची संख्या कायम राहिली.
