सध्या सुट्ट्यांचा सिझन सुरू आहे. उन्हाचा पारा वाढल्याने कुटुंबासोबत किंवा मित्रांसोबत ट्रिपचं नियोजन अनेकांच सुरू असेल. सुट्ट्यांमुळे विमान, रेल्वे, बस, ट्रॅव्हल अशा सर्वच ठिकाणी तिकीट अॅडव्हान्स्ड बुक असतात. तसेच हॉटेल, रिसॉर्टमधील गजबजही वाढलेली असते. अशा वेळेस बजेट ट्रिप करण्यासाठी तुम्ही क्रेडिट कार्डचा वापर करून काही पैसे वाचवू शकता.
समर व्हॅकेशन सिझनमध्ये अनेक क्रेडिट, डेबिट कार्डवरुन विमान, बस, ट्रेन तिकीट, हॉटेल, रिसॉर्ट बुकिंगवर डिस्काउंट मिळवू शकता. तुमच्या क्रेडिट कार्डवरील रिवॉर्ड पॉइंटने तुम्ही तिकीट बुकिंग किंवा शॉपिंगही करू शकता. त्यामुळे तुमच्या क्रेडिट कार्डचे रिवॉर्ड पाँइट वापरायला विसरू नका. तसेच क्रेडिट कार्डवर फ्लॅट डिस्काउंटही मिळत आहे. त्याचा फायदा घेऊ शकता.
ट्रॅव्हल प्लॅनर साइटवर ऑफर्स पाहा
मेक माय ट्रिप, ट्रिवागो, अगोडा यासारख्या ट्रॅव्हल प्लॅनर वेबसाइटवर तुम्हाला विविध ऑफर दिसतील. तुम्ही ट्रिपचे तिकीट बुक करण्याआधी या साइट जरुर चेक करा. तसेच विमान तिकीट बुकिंगवर एअरलाइन्सकडूनही डिस्काउंट दिला जातो. अधिक माहितीसाठी तुम्ही विमान कंपनीची साइट चेक करू शकता.
क्रेडिट कार्ड हॉटेल टाय-अप आहे का चेक करा?
समजा तुम्ही गोव्याला फिरायला जाण्याचे नियोजन आखले असेल तर तुम्ही हॉटेल बुक करण्याआधी तुमचे क्रेडिट कार्ड आणि तेथील हॉटेलमध्ये टाय-अप आहे का चेक करा. जर त्या बँकेचे क्रेडिट कार्ड तुमच्याकडे असेल तर तुम्हाला जास्त डिस्काउंट मिळेल. लक्झुरिअर हॉटेल्ससोबत सहसा असे टायअप असतात. याद्वारे तुम्हाला हॉटेल बुकिंगवर 10 ते 25% पर्यंत डिस्काउंट मिळू शकतो.
ट्रॅव्हल क्रेडिट कार्ड
तुम्ही जर सतत ट्रॅव्हल करत असाल तर तुम्ही ट्रॅव्हल क्रेडिट कार्डही घेऊ शकता. या कार्डवर तुम्हाला ट्रेन, विमान तिकिट हॉटेल बुकिंग, एअरपोर्ट लाऊंज पास, पिक-अप अशा सुविधा मिळू शकतात. जेवढा जास्त प्रवास करता तेवढे रिवॉर्ड पॉइंट तुमच्या खात्यात जमा होतात. हे रिवॉर्ड पॉइंट वापरुन तुम्ही बुकिंग करू शकता.
एसबीआय एअर इंडिया, एसबीआय विस्तारा, एक्सिस बँक अॅटलास अशी काही ट्रॅव्हल क्रेडिट कार्ड आहेत. तुम्ही वेबसाइटवर जाऊन हे क्रेडिट कार्ड घेऊ शकता. ट्रॅव्हल क्रेडिट कार्डद्वारे गाडीत इंधन भरतानाही डिस्काऊंट मिळतो. तसेच पहिली एअर ट्रिप मोफतही दिली जाते. मात्र, या कार्डसाठी वार्षिक शुल्क आकारले जाते. कोणतेही कार्ड घेण्यापूर्वी नियम आणि अटी नीट पाहा.
