अँड्रॉइड स्मार्टफोन्स (Android Smartphones) अनावश्यक कॉल्स किंवा मेसेज टाळण्यासाठी नंबर ब्लॉक करण्याचा पर्याय देतात. जर स्पॅम, विक्री किंवा कोणी तुम्हाला त्रास देत असेल तर तुम्ही त्याचा नंबर सहज ब्लॉक करू शकता. ब्लॉक फंक्शन व्यतिरिक्त, काहीवेळा अँड्रॉइड (Android) वरील स्पॅम डिटेक्शन फिल्टर काही नंबर स्वतःच ब्लॉक करते. या दरम्यान, जर तुम्हाला असे वाटत असेल की तुमचे काही महत्त्वाचे कॉल्स मिस्ड होत आहेत, तर काळजी करण्यासारखे काही नाही. ब्लॉक केलेले नंबर तपासण्यासाठी अँड्रॉईड फोनवर अनेक पर्याय उपलब्ध आहेत, ज्याचा वापर करून तुम्ही ब्लॉक केलेल्या नंबरची यादी तपासून ते अनब्लॉक करू शकता. ते कसे करायचे? ते पाहूया.
Table of contents [Show]
ब्लॉक केलेले नंबर असे पहा
अँड्रॉइड फोनवर ब्लॉक केलेले नंबर पाहण्याचे तीन मार्ग आहेत. तुमचा अँड्रॉइड स्मार्टफोन गुगलचे फोन, संपर्क आणि मेसेज अॅप वापरत असल्यास, याच्या मदतीने तुम्ही ब्लॉक केलेल्या नंबरची सूची पाहू शकता.
फोन अॅपवर ब्लॉक केलेले नंबर असे पहा
- अँड्रॉइडवर फोन अॅप उघडा.
- वरच्या उजव्या कोपऱ्यात मेनू (तीन-बिंदू) चिन्हावर टॅप करा.
- त्यानंतर Settings उघडा.
- Blocked Numbers वर क्लिक करा.
- ब्लॉक नंबरची यादी तपासा. कॉल आणि टेक्स्टला ब्लॉक करण्‍यासाठी फोन नंबर एंटर करण्‍यासाठी Add a Number वर टॅप करा किंवा ते अनब्लॉक करण्‍यासाठी फोन नंबरच्या शेजारी असलेल्या x चिन्हावर टॅप करा.
कॉन्टॅक्ट अॅप वापरा
- Android वर Contacts अॅप उघडा.
- Fix and Manage टॅबवर जा.
- Blocked numbers निवडा.
- ब्लॉक नंबरची यादी तपासा.
गुगल मेसेजेस अॅप वापरा
- Android वर Messages अॅपवर क्लिक करा.
- वरच्या उजव्या कोपऱ्यात मेनू (तीन-बिंदू) चिन्हावर टॅप करा.
- Spam and Blocked निवडा.
- चॅट थ्रेडवर टॅप करा आणि मेनूमधून अनब्लॉक करा.
