देशातील पहिली रिंग मेट्रो लाइन 2024 मध्ये सुरू होईल. पहिल्या रिंग मेट्रोसह, हा 71.15 किमीचा देशातील पहिला सर्वात लांब सिंगल कॉरिडॉर देखील असेल. ही रिंग मेट्रो सुरू (first ring metro line in the country) झाल्याने प्रवाशांना मोठा दिलासा मिळणार आहे. पण रिंग मेट्रोचे काम नियोजित वेळेपेक्षा थोडे उशिराने सुरू आहे. मेट्रो फेज-4 मध्ये मजलिस पार्क ते मौजपूर कॉरिडॉर 12.55 किलोमीटर लांबीचे बांधकाम पूर्ण होताच, सध्याची पिंक लाईन (मजलिस पार्क ते गोकलपुरी) ही रिंग मेट्रो होईल. याद्वारे पूर्व, उत्तर, दक्षिण आणि पश्चिम दिल्ली या नेटवर्कशी थेट जोडले जातील. दरम्यान देशातील पहिल्या रिंग मेट्रो लाईनचा खर्च वाढला असून त्यामागील कारणे काय आहेत? ते पाहुया.
मेट्रोचे काम उशिराने सुरू
रिंग मेट्रोचे काम उशिराने सुरू आहे. सर्वप्रथम मजलिस पार्क ते मौजपूर हा भाग त्याच्या फेज-4 च्या तीन कॉरिडॉरमध्ये खुला केला जाईल. हे काम नियोजित वेळेपेक्षा सुमारे 15 महिने उशिराने पूर्ण होणार आहे. या कॉरिडॉरचे काम यापूर्वी सप्टेंबर 2023 पर्यंत पूर्ण होणार होते. मात्र अनेक कारणांमुळे आता ते 2024 मध्ये पूर्ण होणार आहे. मेट्रो फेज-4 अंतर्गत 65.10 किमी लांबीचे तीन कॉरिडॉर बांधले जात आहेत. दुसरीकडे झाडे तोडण्याची परवानगी मिळण्यास विलंब होत असल्याने मजलिस पार्क ते मौजपूर, जनकपुरी पश्चिम ते आरके आश्रम आणि एरोसिटी ते तुघलकाबाद हे काम 30 महिन्यांच्या विलंबाने पूर्ण होणार आहे.
आठ नवीन स्थानके बांधण्यात येणार
या अंतर्गत एकूण 8 नवीन मेट्रो स्टेशन बांधले जातील. त्याचवेळी, भजनपुरा ते यमुना विहार 2 मेट्रो स्टेशन दरम्यान मेट्रो खांब असलेला उड्डाणपूल देखील बांधला जाईल. म्हणजे खालून रस्ता धावेल, त्याच्या वर उड्डाणपूल आणि त्याच्या वरती मेट्रो धावेल. हा उड्डाणपूल 1.4 किमी लांबीचा असेल.
उशीरा कामामुळे खर्च वाढला
DMRC ने 2025 पर्यंत रिंग मेट्रोच्या सर्व कॉरिडॉरचे काम पूर्ण करण्याचे उद्दिष्ट ठेवले होते, परंतु आता ते होताना दिसत नाही. मेट्रो फेज-4 मध्ये एकूण 2500 झाडे तोडली जाणार आहेत. कामाला होत असलेल्या दिरंगाईमुळे मेट्रोचे तीन कॉरिडॉर बनवण्याचा खर्चही 15 टक्क्यांनी वाढला आहे. यापूर्वी त्यांची किंमत 10,479.6 कोटी रुपये होती, ती आता 12,048.5 कोटी रुपये झाली आहे.
