Aren't we all searching for something?
Not sure what to search? Here are some topics that we can suggest you:
Uflex Income Tax Raid: गेल्या काही दिवसांवर युफ्लेक्स इंडिया या पॅकेजिंक कंटनेर बनवणाऱ्या कंपनीवर आयकर विभागाची कारवाई सुरू होती यामुळे शेअरमध्ये घसरण होतहोती. मात्र सध्या कारवाई थांबल्यामुळे पुन्हा एकदा शेअर्स हिरव्या चिन्हावर व्यवहार करत होते. नेमकी काय कारवाई झाली आणि याचा स्टॉकवर काय परिणाम झाला हे समजून घेऊयात.
Uflex Share Price Today: गेल्या सात दिवसांपासून युफ्लेक्स कंपनीवर छापे टाकणाऱ्या आयकर विभागाच्या पथकाला मोठे यश मिळाले आहे. आयकर विभागाला 1 हजार कोटी रुपयांची तफावत आढळून आली आहे. यासोबतच अनेक अधिकाऱ्यांनी कंपनीत पैसे गुंतवल्याचीही माहिती समोर आली आहे.
तपासादरम्यान कंपनीच्या कागदपत्रांमध्ये 177 कोटी रुपयांचा व्यवहार बोगस असल्याचे समोर आले. 22 खाती सापडली असून त्यात कोट्यवधी रुपयांचे व्यवहार झाले आहेत. विभागाने दीड कोटी रुपयांची रोकड जप्त केली होती. तपासात आयकर विभाग वेगवेगळ्या कंपन्यांच्या व्यवहारांच्या नोंदी संशयास्पद मानत आहे. नोएडा येथील सेक्टर-60 येथील युफ्लेक्स कंपनीच्या कार्यालयातून 150 कोटी रुपयांच्या व्यवहाराचे कागदपत्र संशयास्पद मानून आयटी पथकाने तपास सुरू केला. युफ्लेक्स पॅकेजिंग कंपनीने छाप्याच्या तिसऱ्या दिवशी नोएडाच्या सेक्टर-33 मध्ये असलेले घर सील केले होते. हे घर युफ्लेक्स कंपनीच्या अधिकाऱ्याचे असल्याचे सांगण्यात आले. या प्रकरणी आयकर पथक देशभरात अनेक ठिकाणी छापे टाकत आहे.
120 संगणक हार्डडिस्क आणि 50 डायरी जप्त करण्यात आल्या आहेत. सुमारे 12 वाहनांमध्ये भरून कागदपत्रे घेण्यात आली आहेत. जप्त करण्यात आलेल्या 50 डायरीपैकी 8 अशा आहेत ज्यांचे कोडिंग करण्यात आले आहे. हे कोड शब्द व्यवहारांशी संबंधित आहेत. कागदपत्रांवर सुमारे 1 हजार 500 कोटी रुपयांच्या व्यवहारात अनियमितता आढळून आली आहे. तर सुमारे 1 हजार कोटी रुपयांच्या बोगस व्यवहाराची कागदपत्रे सापडली आहेत. आतापर्यंत दीडशेहून अधिक कर्मचाऱ्यांची चौकशी करण्यात आली आहे. आता अधिकाऱ्यांची चौकशी सुरू आहे. सूत्रांनी दिलेल्या माहितीनुसार, आतापर्यंत जवळपास 60 शेल कंपन्या सापडल्या आहेत. यातून 1 हजार कोटी रुपयांचे व्यवहार झाले आहेत. खालील लोकांची सुमारे 20 खाती आढळून आली आहेत ज्यात 5 ते 50 कोटी रुपयांपेक्षा अधिकचे व्यवहार झाले आहेत. कंपनी आणि अधिकाऱ्यांचे विविध शहरांतील 28 बँक लॉकर्स सील करण्यात आले आहेत. याशिवाय विविध ठिकाणांहून सुमारे तीन कोटी रुपयांची रोकड जप्त करण्यात आली आहे.
युफ्लेक्स इंडिया (Uflex India) या पॅकेजिंग आणि सोल्युशन्स कंपनीचा स्टॉक सोमवारी, 27 फेब्रुवारी रोजी 18 टक्क्यांनी घसरला आणि त्याची किंमत 347.50 रुपयांपर्यंत खाली आली होती. हा स्टॉकचा 52 आठवड्यांचा नीचांक होता. बाजार होताना स्टॉक 353.70 रुपयांवर बंद झाला. मागील दिवसाच्या तुलनेत ही घट 17.47 टक्के एवढी होती. सलग पाच दिवस कंपनीवर कारवाई सुरू असताना शेअर्समध्ये घसरण दिसून येत होती. बीएसई निर्देशांकावर स्टॉक 30 टक्क्यांपर्यंत घसरला होता.
डिसेंबर तिमाहीत कंपनीचे एकूण उत्पन्न केवळ 0.6 टक्क्यांनी वाढले आहे. तर 85.41 कोटी रुपयांचे नुकसान झाले आहे. कंपनीने इजिप्तमधील चलनाच्या अवमूल्यनामुळे नुकसानीचे श्रेय दिले आहे. यामुळे कंपनीचे 84 कोटी रुपयांचे नुकसान झाल्याचे कंपनीने म्हटले आहे.
आयकर विभागाची सात दिवस सतत कंपनीच्या विविध ठिकाणांवर छापेमारी सुरू होती. ही छापेमारी आणि कारवाईला आज मंगळवार दिनांक 28 फेब्रुवारी रोजी ब्रेक लागल्यावर स्टॉक्समध्ये होणारी घसरण थांबून, शेअर्स चढत्या क्रमाने प्रवास करू लागले. आज, स्टॉकमध्ये 6.76 टक्क्यांची वाढ दिसून आली आहे. तर शेअरची किंमत 377.55 रुपयांवर गेली आहे.
न्यू पोस्ट
