Aren't we all searching for something?
Not sure what to search? Here are some topics that we can suggest you:
Share Market Opening: सलग आठ दिवस शेअर बाजार घसरणीसह बंद होतहोता, त्या पार्श्वभूमीवर महिन्याच्या पहिल्या दिवशी शेअर बाजाराची सुरुवात सकारात्मक झाली आहे. अदानी एंटरप्रायझेस 5.6 टक्क्यांनी वधारला आहे. इतर कोणते शेअर्स बाजाराच्या सुरुवातील वधारले आहेत आणि कोणते शेअर्स खालावले आहेत, ते जाणून घेऊयात.
Share Market Opening Bell: आशियाई बाजारातील कमजोरी आणि एससीएक्स निफ्टी किरकोळ वाढीसह बंद झाला, प्रमुख देशांतर्गत निर्देशांकांनी बुधवारी सुरुवातीच्या व्यापारात गती घेतली. सकाळी 10 वाजता बीएसई सेन्सेक्स 349.83 अंकांच्या म्हणजेच 0.59 टक्क्यांच्या वाढीसह 59 हजार 308.79 अंकांच्या पातळीवर व्यवहार करत होता. एनएसई निफ्टी 101.20 अंकांनी म्हणजेच 0.60 टक्क्यांच्या वाढीसह 17 हजार 407.10 अंकांच्या पातळीवर व्यवहार करत होता. निफ्टीच्या सुरुवातीच्या व्यवहारात अदानी एंटरप्रायझेस सर्वाधिक 6.22 टक्क्यांच्या वाढीसह व्यवहार करत होते.
बुधवार दिनांक 1 मार्च रोजी निफ्टीवर हिंदाल्को (Hindalco), महिंद्रा अँड महिंद्रा (Mahindra & Mahindra), टाटा स्टील (Tata Steel) आणि अदानी पोर्ट्समध्ये (Adani Ports) प्रत्येकी दोन टक्क्यांहून अधिक वाढ दिसून आली. तर, अपोलो हॉस्पिटल्सच्या (Apollo Hospitals) शेअर्समध्ये 1.12 टक्क्यांची सर्वात मोठी घसरण पाहायला मिळाली. त्याचप्रमाणे ब्रिटानिया (Britannia), एचडीएफसी लाईफ (HDFC Life,), टाटा कंझ्युमर (Tata Consumer) आणि एसबीआय लाईफ (SBI Life) या कंपन्यांचे शेअर्स घसरणीसह व्यवहार करत होते.
अदानी एंटरप्रायझेस 5.6 टक्क्यांनी वधारला. अदानी पोर्ट्सचा साठा 1.8 टक्क्यांनी वाढला आहे. अदानी ग्रीन एनर्जी आणि अदानी ट्रान्समिशन अनुक्रमे पाच टक्के आणि 4.5 टक्क्यांनी अधिक व्यापार करत आहेत.
सिंगापूर एक्सचेंजवर निफ्टी फ्युचर्स 41 अंकांनी म्हणजेच 0.24 टक्क्यांनी घसरून 17 हजार 358 अंकांच्या पातळीवर व्यवहार करत होता. यावरून दलाल स्ट्रीटची सुरुवात नकारात्मक होणार असल्याचे संकेत मिळाले होते, पण शेवटच्या टप्प्यात 0.23 टक्क्यांनी वाढून बंद झाला, यामुळे बाजारात सकारात्मक घडामोडी घडण्याची आशा निर्माण झाली आहे.
मार्चच्या पहिल्या दिवशी शेअर बाजारांची सुरुवात चांगली झाली आहे. हे महत्त्वाचे आहे कारण या वर्षी शेअर बाजाराची स्थिती फारशी चांगली राहिलेली नाही. एफआयआयची सततची विक्री आणि अदानी समूहाच्या समभागांमध्ये मोठी घसरण यामुळे जानेवारी आणि फेब्रुवारी महिन्यात दलाल स्ट्रीटवर सतत दबाव होता. बुधवारी 1 मार्च रोजी, डॉलरच्या तुलनेत रुपया 17 पैशांच्या वाढीसह 82.41 वर उघडला. अशा प्रकारे बुधवारी रुपयात वाढ झाली.
न्यू पोस्ट
