Aren't we all searching for something?
Not sure what to search? Here are some topics that we can suggest you:
Image Source : www.inc42.com
Atmanirbhar Bharat Yojana Fact Check: सरकार देशातील प्रत्येक घटकासाठी वेगवेगळ्या योजना आणत असते. त्यापैकी एका योजनेचे नाव आहे 'आत्मनिर्भर भारत योजना' (Atmanirbhar Bharat Yojana). या योजनेबाबत सध्या सोशल मीडियावर एक बातमी व्हायरल होत आहे. यामागचे सत्य जाणून घेऊयात.
भारतातील करोडो तरुण नोकऱ्यांच्या शोधात विविध प्रकारच्या सरकारी वेबसाईट्स तपासतात. केंद्र सरकार देशात नोकऱ्या वाढवण्यासाठी अनेक योजना राबवते. त्यापैकी एका योजनेचे नाव आहे 'आत्मनिर्भर भारत योजना' (Atmanirbhar Bharat Yojana). या योजने अंतर्गत सरकार रोजगार निर्मितीसाठी काम करते. डिजिटलायझेशनच्या युगात आजकाल लोक अशा सरकारी योजनांची माहिती सोशल मीडियाच्या माध्यमातून देतात. मात्र अनेक वेळा काही सायबर गुन्हेगार सरकारी योजना आणि नोकरभरतीच्या नावाखाली लोकांची फसवणूक करतात. अशा परिस्थितीत, कोणत्याही सरकारी योजनेशी संबंधित दाव्यावर विश्वास ठेवण्यापूर्वी, त्याचे सत्य जाणून घेणे खूप महत्वाचे आहे.
आजकाल, सोशल मीडियावर एक नियुक्ती पत्र व्हायरल होत आहे. ज्यामध्ये असा दावा केला जात आहे की, आत्मनिर्भर भारत रोजगार योजनेअंतर्गत ग्राहक सेवा प्रतिनिधीच्या पदासाठी 4950 रुपये भरावे लागतील. हा दावा सोशल मीडियावर मोठ्या प्रमाणात व्हायरल होत आहे. त्यामुळे ग्राहक सेवा प्रतिनिधीची नोकरी मिळवण्यासाठी तुम्हाला खरोखर 4,950 रुपये मोजावे लागतील का? हा सर्वात मोठा प्रश्न आहे. पीआयबीने या व्हायरल दाव्याची सत्यता तपासली आहे. याबद्दल जाणून घेऊयात.
हा व्हायरल दावा पूर्णपणे खोटा असल्याचे पीआयबीने (PIB) आपल्या फॅक्ट चेकमध्ये सांगितले आहे. यासोबतच पीआयबीने सांगितले की, कामगार मंत्रालयाने असा कोणताही आदेश किंवा नियुक्ती पत्र जारी केलेले नाही. ही बातमी पूर्णपणे खोटी असून त्यात तथ्य नाही. यासोबतच पीआयबीने कोणत्याही प्रकारचे नोंदणी शुल्क भरण्यासही नकार दिला आहे.
आजकाल व्हायरल होणाऱ्या अनेक बातम्या चुकीच्या आणि दिशाभूल करणाऱ्या आहेत. अशा परिस्थितीत, कोणत्याही बातमीवर विश्वास ठेवण्यापूर्वी, त्याची सत्यता तपासणे खूप महत्वाचे आहे. यासोबतच कोणत्याही व्यक्तीला पैसे, वैयक्तिक किंवा बँक तपशील देणे टाळा. असे केल्याने तुमचे कष्टाचे पैसे तुम्ही गमवू शकता. सोशल मीडियाचा वापर करताना तुम्हाला कोणतीही बातमी चुकीची आढळल्यास, तुम्ही त्यात तथ्य तपासू शकता. यासाठी तुम्हाला PIB https://factcheck.pib.gov.in/ च्या अधिकृत लिंकला भेट द्यावी लागेल. याशिवाय, तुम्ही व्हॉट्सअॅप नंबर +918799711259 किंवा ईमेल pibfactcheck@gmail.com वर बातम्यांची लिंक पाठवून तथ्य तपासू शकता.
न्यू पोस्ट
